स्वतःसाठी तर सारे जगतात; पण दुसऱ्यांसाठी जगता आले पाहिजे हे मानवी जीवनाचे गम्य कळते ते सावित्रीबाई फुले यांच्या जीवनकार्यातून ! अतिशय प्रतिकूल परिस्थितीत मूल्याधिष्ठित पायाभूत समाजनिर्मितीच्या कार्यात सावित्रीबाईंचा वाटा अत्यंत महत्त्वाचा आहे. सावित्रीबाई फुले एक स्वतंत्र विचारधारा आहे. त्यांच्या कार्यावर व विचारांवर आजवर विपुल असे लेखन झालेले आहे. काळाच्या परिप्रेक्ष्यात केले गेलेले लिखाण अभ्यासकांसाठी दिशादर्शक असते; त्यामुळेच डॉ. प्रशांत राऊत यांनी स्वतंत्र दृष्टिकोणातून सद्यःस्थितीशी समतोल साधत सावित्रीबाईंविषयी केलेले लिखाण महत्त्वपूर्ण ठरते. प्रस्तुत लिखाणातून सावित्रीबाईंच्या जीवनकार्याचा विविधांगी परामर्श घेण्यात आलेला आहे.
_edited.png)
