पाली वाङ्मयातील असुर

पराभूत झालेले हे असुर गेले कोठे? यावर माझे म्हणणे असे, की ते येथून कुठेही गेले नाहीत. ते येथेच होते, येथेच आहेत आणि येथेच राहतील. ते या भूमीच्या कणाकणामध्ये, अणुरेणूमध्ये आजही अस्तित्वात आहेत. इतकेच काय - ते आपल्या अस्तित्वात उपस्थित आहेत. आपल्या रक्ताच्या थेंबाथेंबामध्ये, नसानसामध्ये, रोमरोमामध्ये आणि आपल्या हृदयामध्ये व मस्तकामध्ये जागृत आहेत. आपण त्यांना नाकारण्याइतके आणि विसरण्याइतके कृतघ्न होता कामा नये, इतकीच भावना !